ዛሬ ግንባታው የተጀመረው የቢሾፍቱ ዓለም አቀፍ አውሮፕላን ማረፊያ ሲጠናቀቅ ለኢትዮጵያ የቱሪዝም ዘርፍ እጅግ ከፍተኛ እና ዘርፈ ብዙ ጠቀሜታዎች አሉት። በዓመት እስከ 100 ሚሊዮን መንገደኞችን የማስተናገድ አቅም ያለው በመሆኑ ከፍተኛ የውጭ ሀገር ቱሪስቶች ወደ ሀገር ውስጥ እንዲገባ እድል ይፈጥራል:: በዚህም ብዙ መንገደኞች ለሰዓታት ወይም ለቀናት የሚቆዩ የትራንዚት ተጓዦች ሰለሚሆኑ በቆይታቸው አጫጭር የከተማ ወይም የገጠር ጉብኝቶችን እንዲያደርጉ ምቹ ሁኔታ ይፈጥራል። ግንባታው ተከትሎ የሚመጡት አዳዲስ መንገዶች፣ የባቡር መስመሮች እና የንግድ ማዕከላት ለቱሪስቶች ምቹ እንቅስቃሴን ይፈጥራሉ። ይህም ኢትዮጵያ ለዓለም አቀፍ ጉባኤዎች እና ለቢዝነስ ቱሪዝም (MICE Tourism) ያላትን ተመራጭነት ይጨምረዋል። የቱሪስቶች ቁጥር መጨመር በቀጥታ ለዘርፉ ሠራተኞች፣ ለትራንስፖርት አቅራቢዎች